Azken ausnarketa

Ikaskuntza prozesuan barrenean bakoitzaren ezaugarrien eta premien kontzientzia. 

• Niretzako, ikasgai hau gauza berriak ikasteko baliogarria iruditu zait. Hasteko, ikasgai honetan askatasun osoa izan dugu gauzak egiterako orduan, zer o zer interesgarria zela iruditzen zitzaigunean, horreri buruzko informazioa bilatzen genuen eta elkarren artean komentatzen genuen. Horrez gain, esan behar dut lanean aritzerako orduan asko gustatzen zaidala taldeka lan egitea, besteen kolaborazioa beti emaitza onak ekartzen dituelako, baina bakarkako lana izatea ere gustuko dut, honegatik ikasgai honen planteamendua ona iruditu zait, alde batetik bloga daukagulako bakarka lan egiteko eta bestetik, klaseetan egindako lanak taldeka egiten ditugulako. Ebaluazioari begira, azterketarik ez egotea pisu handia kentzen digu, baina urduri jartzen nau blogaren nota zein izango den.

• Hasieran, bloga egiten hasi nintzenean , ez nuen arazorik izan erabiltzerako orduan, lehenengo mailan ere erabili genuelako eta asko gustatzen zitzaidalako programa. Batzuetan ez nuenean zerbait ulertzen taldeari galdetzen nion eta eskema txiki bat egiten nuen , hala ere, kasu batzuetan irakasleari galdetzen nion eta nire zalantzak argitzen zituen. 

Ikaskuntza berriei eta beste testuinguruetakoen transferentziari buruzko gogoeta

• Klasean irakaslea dagoenean, ariketa edo jarduera desberdinak eragingo dituenez, erraz detektatuko ditu agertzen diren zailtasunak. Gerta daiteke ere, zailtasun horiek nabariak ez izatea, honegatik atentzio gehiago jarri beharko dugu ikasleak jarduerak egiten dituzten bitartean. Galderan jartzen zuen moduan, gurasoekin hitz egin beharko du, gertatzen dena azaltzeko, hau egiterako orduan lasaitasun eta beraiek dituzten zalantzak argitu beharko ditu. Baita ere, irakasleak bere aldetik jarrera ulerkorra eta enpatikoa izatea ona izango litzateke. Hau dana, planifikatzerako orduan, kontuan izan behar dugu, aditu batengana joan behar garela, umeari komeni zaion erantzun egokiena aurkitzeko. Horretarako, tutorea, klaustroa, familia eta laguntza zerbitzuk bat egin beharko dute. Kasu honetan, banakako curriculumaren egokitzapena funtsezkoa da, umeak dituen ezaugarrietara egokitzen den erantzuna delako, horrela berari egokitutako hezkuntza jasotzeko aukera izango du.

Etorkizuneko begiradaz gogoeta metakognitiboa 

• Nire ustetan, lau hilabete honen hasieran finkatutako helburuak bete ditut. Ikasgai honi esker, gauza berriei buruzko informazioa bilatu eta barneratu dut. Prozesuaren aldetik, batzuetan kostatu egin zait bloga eguneratua izatea, baina orokorrean ondo antolatu naizela uste dut. Ikasgai hau, hezkuntza premia bereziak dituzten umeei nola erantzun behar den jakiteko oso baliagarria iruditu zait. Egia da, oraindik gauza asko ikasi behar ditudala, baina ideia batzuk edo oinarriak finkatzen lagundu dit behintzat. Bestetik, nire burua hezkuntza premia bereziak dituzten haurrekin ikusi dezaket, ume hauen garapenean laguntzeko aukera izatea poztasuna ematen dizulako.

POAT eta PAD

Saio batean, PAD eta POAT kontzeptuak landu genituen. Hau egiteko, orri zati batean, kontzeptu hauen definizioak eta ezaugarriak jarri genituen.

PAD

1.  (Plan de Atención a la Diversidad)
2. Aniztasunari erantzuteko neurriak zehazten dituen oinarri pedagogiko-didaktikoa.
3. Ikasle guztiek kalitatezko hezkuntza izateko eskubidea bermatzen du, haien ezaugarri eta premietara egokituz.
4. Programak: Harrera Plana, Integraziorako programa, Egokitze linguistikoa, Aukera berdintasunerako Plana eta Abstentzio eskolarrerako Plana.

POAT 

1. (Plan de Orientación y Atención a la Diversidad)
2. Eskoletan tutoren organizazio eta funtzionamendurako erreferentzia den oinarri pedagogiko-didaktikoa da 
3. Umea gizarteran era aktibo, sortzaile eta arduratsu batean murgiltzea ahalbidetzen duen garapenean parte-hartzea.
4. Programak: Harrera Plana,Hezkuntza etapak gainditzeko programa.

Maggie Simpson " The longest daycare"

Laburmetrai honetan, Maggie Simpsonek egun batez haurtzaindegi batera joaten da eguna pasatzera. Haurtzaindegi horretan umeak banatzen dituzte, alde batetik gaitasun bereziak dituzten umeen gela dago eta bestetik ez dutenak. Bideo honetan, kritika zorrotz bat egiten zaio hezkuntza sistemari, zeren eta banaketa hau egiten badugu gaitasun bereziak ez dituzten umeek ez daukate hobekuntzak izateko edo ikasteko aukerarik, eta haur guztiek gauza berdinak ikasteko eskubide berdina dute. Eskola inklusiboa, laburmetrai honetan ikusten den egoeraren kontra dago, ume bakoitzak desberdinak izan arren, guztiok dutelako gaitasuna gauza berdinak ikasteko. 

Arreta goiztiarra

Zaitasunak dituzten haurrei ematen zaien laguntza da arreta goiztiarra. Hauek, haurren heldutasuna, garapen pertsonala eta integrazio soziala lortzea dute helburu. Zailtasunak dituzten ume guztiak tratamendu bat jasotzeko eskubidea dute, baina arazo ekonomikoak dituztenez, eta lurralde guztietan zentro bat ez dagoenez, ezin dira hauetara iritsi.Talde honen oinarriak osasuna, hezkuntza eta gizarte zerbitzuak dira.

Arreta goiztiarra hiru mailatan sailkatzen da.

• Lehen mailako prebentzioa

Haur hezkuntzak parte hartzen du haurraren garapen afektibo, fisiko, sozial eta moralean. Hauek haurraren atzerapena saihesten arduratzen dira eta ingurunea ulertzen laguntzen dute.

• Bigarren mailako prebentzioa

Bigarren mailako prebentzio honetan irakasleak hezkuntza prozesuan aurkitutako arazoak kontuan izan beharko ditu, haurren beharrei ebaluazio bat egingo dielarik. Ebaluazio hau burutzeko umeen ingurunea aztertu beharko da, familiaren ezaugarriak, eskola... Hauen lana, haurren garapena erraztea eta koordinatzea izango da, haur hezkuntza berezien beharrak haur hezkuntzan sartuz.

• Hirugarren mailako prebentzioa.

Ezintasuna edo zailtasunak dituzten haurren eskolarizazioa normala izan behar da. Horrelako umeek lehentasuna izango dute zentro normaletan eta horretarako curriculuma haur hauen beharrei egokituta egon beharko da. Irakasleak eginiko planifikazioak haurrak bertara egokitzeko modukoak izan behar dira. 

Elling pelikula

Elling izeneko pelikula bat ikusi genuen gelan, protagonistak zailtasunak dituzten bi gizon dira. Horietako bat, bere amaren laguntza behar du edozertarako. Ez da telefonoz hitz egitera ausartzen eta ez du gustoko etxetik ateratzea, antsietatea eta beldur asko sentitzen duelako. Bigarren protagonista, kalera ateratzen da arazorik gabe baina gauzak ez direnean bera nahi duen moduan ateratzen, kolpeak ematen dizkio bere buruari.

Egun batean, bakarrik bizitzera joaten dira elkarrekin. Hasieran, arazoak dituzte bizitza normal bat izateko, etxetik ia ateratzen ez direlako, baina pixkanaka - pixkanaka, aurrera egiten dute. Pelikula hau ikusi eta gero,  konturatu naiz, nahiz eta ezaugarri desberdinak izan, bizitza normala izan ahal dutela, horregatik ez zait asko gustatu gizarte laguntzaileak beraiekin izaten duen jarrera, hala ere, beraietaz kezkatu egiten da eta azkenean pozik sentitzen da, bi protagonistek lortzen dutenarekin. Amaitzeko, esango nuke, film hau oso dibertigarria iruditu zaidala eta protagonisten paperean jartzeko eta hobeto ulertzeko aukera ematen duela esan behar dut.

Esperimentazioa

Bi asteetan zehar, experimentazio batean parte hartu dugu, eskola inklusiboaren oinarriak eta ikastetxearen antolakuntza ikasgaiak batu egin dira, experimentazio hau egiteko. Proiektu honen helburua, taldekatze desberdinetan jartzea zen, lan bat burutzeko. 

Hasteko, taldeak egin zituzten, ez dakit ze irizpide erabili zituzten irakasleak taldeak egiterako orduan, hala ere ez nuen arazorik izan taldeekoekin, partaide guztiak ezagutzen nituen eta guztiok ideia desberdinak proposatzen genituen. Nahiz eta gaiari buruz informazio asko izan, hasieran kostatu zitzaigun ideia nagusiak zeintzuk izango ziren zehaztea.

Proiektuaren hasieran, lehenengo egunean, orokorrean uste dut denok galduta geundela, ez genekigun ondo zer egin behar genuen, informazio ugari geneukagun, baina hala ere, zaila izan zen ideia orokorrak zehaztea lehen aipatu dudan moduan. Lehenengo ideak zehaztu eta gero, proiektua aurrera joan zen, nire ustetan, dibertigarria izan zen murala egitea eta ze informazio jarri nahi genuen esatea, denok modu berean parte hartu genuen, eta kide guztien proposamenak entzuten genituen.

Antolakuntzari dagokionez, guztiok ondo kordinatu ginen, bitan banatu ginen eta bi pertsona muralarekin jarri ziren eta beste biak  proiektuaren bigarren atalarekin. Muralean taldekide guztien erabakiak eta ideiak islatuta gelditu dira. Azkenengo egunean, mural guztiak aurkeztu genituen, baina hurrengo egunean, poster batzuk apurtuta agertu ziren eta beste batzuk lapurtu zituzten. Ez dakigu nor izan den hori egin duena, baina frustazioa sentitu genuenez, idatzi batzuk prestatu genituen, unibertsitate osoan banatzeko eta gertatutakoa besteei azaltzeko.

Amaitzeko, argi utzi nahi dut, proiektu hau asko gustatu zaidala, informazio bilatzeaz gain, gauza guztiak denen artean adostu ditugu eta ez da egon arazorik, giro ona egon da taldean, eta nire partetik gauza asko ikasi ditugula uste dut, proiektu oso polita eta interesgarria izan dela adierazi nahi nuen.

El chico ciego

Normalizazio printzipio lantzen geundenean, bideo hau ikusi genuen gelan. Bideo honetan itzuak diren umeak agertzen dira, egunero bizi behar dituzten gauzak azalduz. Ume hauek itzuentzako eskola batean daude, bertan, kirolak praktikatzen dituzte eta idazkera eta irakurketa lantzeko ariketak egiten dituzte ere.

Eskola hori itzuentzako denez, haien beharrak eta zailtasunak kontuan izaten dituzte metodologia egokia erabiltzeko eta haien garapena lortzeko, hala ere, ikuspuntu inklusiboaren alde nagoenez, uste dut eskola hauek ez direla bat ere egokiak. Ume itzuak bakarrik daudelako eskola honetan, eta hobeagoa izango litzateke kultura , ezaugarri fisiko eta psikologiko desberdin dituzten umeak batera ikastea, bakoitzaren erritmoa, gaitasun eta zailtasunak kontuan hartuta.

Amaitzeko, argi utzi behar da, edozein zailtasun duten pertsonak ikasteko eskubidea dutela, alde batetik ondo dago, bereziki egindako eskolak egotea, baina bestetik, garrantzitsua da ume haientzako beste ume batzuekin harremanatean egotea. Ume guztiek elkarrekin ikastea onuragarria iruditzen zait, hala ere, kontuan hartuta, itzuek bere bizitza aurrera eramateko beste gauza batzuk ikasi behar dituztela, braile kodea adibidez, hau guztia bereizketarik egin gabe.

Haize Llevant taula

Taula honek balio du (0-5 ) urteko umeen maila kognitiboa, soziala eta motorea zenbatekoa den jakiteko.  1991 urtean egin zen eta egindako bi programen emaitza da, Kataluaniako 1702 umeei  eta Euskal Herriko 817 umeei  frogak egin zizkieten eta atera ziren datuetan oinarrituta taula hau egin zen.

Maslow piramidea

Aniztasun trataeraren power point-an Maslow piramidea agertzen zen, interesgarria iruditu zitzaidanez, blogean jartzea erabaki nuen. Maslow piramidea gizakiaren motibazioak aztertzen dituen teoria da. Abraham Maslow psikologoak sortua zuen 1943 urtean. Teoria honetan, gizakiaren beharrak eta desioak, betetzeko premiaren arabera sailkaturik daude: 

• Piramidearen oinarrian behar fisiologikoak daude, hala nola jatea eta edatea. 
• Horiek aseta, gizakiak babesa eta segurtasuna bilatzen ditu. 
• Ondoren, gizarte atxikimenduaren motibazioa sortzen da, elkartzea eta partehartzea bilatuz. 
• Jarraian, gizartearen onespena bilatzen ditu. 
• Azkenik, autoerrealizazioa bilatzen ditu, piramidearen gailurrean.

Los diarios de la calle

"Los Diarios de la calle" pelikula egiazko istoria batean inspiratuta dago. Erin Gruwell, irakasle berria da Wilson Classical ikastetxean. Bere ikasgelan etnia eta jatorri desberdinetako ikasleak daude. Erin egunero ahalegintzen da bere ikasleak klasean parte hartu dezaten, baina haiek ez diote kasurik egiten. Egoera ikusita erabakitzen du ikasleek egunkari bat izatea bertan haien bizipenak irudikatzeko, hasieran etxeko lan moduan ikusten dute egunkaria, baina denborarekin haien sentimenduak baieztatzeko tresna moduan erabiltzen hasten dira. Azkenean, bere ikasleekin duen kontaktua pentsatzen zuen baino askoz gehiago eragina du berarengan.

Pelikula hau asko gustatu zitzaidan, hasieran Erin irakasleak zailtasunak dituelako klasea aurrera eramateko, horrez gain beste irakasleak ez daude ados berak erabiltzen duen metodologiarekin.  Hala ere, Erin ez du amore ematen eta  jarduera desberdinak proposatzen ditu irakasleek interesa izan dezaten, azkenean berak lortu nahi dituen helburuak lortzen ditu, sakrifizio asko egin ondoren.

HEZKUNTZA BEREZIA/ HEZKUNTZA PREMIA BEREZIAK (4.astea)

Ostegunean bi kontzeptu hauek landu genituen, hasieran ez nekien ondo bereizten bakoitza zeri egiten zion erreferentzia, biak eskutik lotuta daudelako. Hala ere, blog honetan bi kontzeptu hauen definizio laburra ematea egokia iruditzen zait.

Hezkuntza berezia

Hezkuntza berezia, behar bereziak dituzten pertsonentzat zuzendutako hezkuntza da, gaigabezi ( fisikoak, psikikoak edo zentzumenezkoak), ezaugarri kultural bereziak edo egoera sozioekomiko larria izateagatik. Lehen, gaigabeziak zituzten haurrak baztertuak izaten ziren haien ezaugarriengatik, gaur egun, beste haurrekin batera eskolaratzen dira haien integrazioa ahalbidetzeko.

Hezkuntza premia bereziak

Hezkuntza premia bereziak, hezkuntza berezia emateko erabiltzen diren baliabideei esaten zaie, honekin esan nahi dudan da, ikasle bateri ezintasunen bat diagnostikatzen zaionean, ezintasun hori kontuan hartuta, aldaketak egiten direla teorian eta klaseko metodologian, testuingurua izan behar delako aldatu behar dena ez ikaslea. Aldaketa horiek hezkuntza premia bereziak dira.

NORMALIZAZIO PRINTZIPIOA (4.astea)

Hilabete honetan zehar, normalizazio printzipioa landu dugu, laugarren astean kontzeptu hau zertan datzan zehaztu genuen, hona hemen azalpena.

Normalizazio printzipioaren arabera, ezintasunak dituzten pertsonak gainerako herritarrek dituzten eskubideak izan behar dituzte. "Normalizazio" hitzarekin esan nahi duguna zera da, beraien ezintasunak onartu behar ditugula eta baldintza normalak eskaini behar dizkiegula haien gaitasunak garatzeko.

Normalizazio printziopioen artikulu bat irakurri genuen gelan, artikulu horretan zituzten eskubideak agertzen ziren. Gure taldeari, etxebizitza izateko eskubidea tokatu zitzaion eta hauek izan ziren atal horretako ideia nagusiak.

• Ezintasuna duen pertsona adin nagusira iristen denen, heldu bati ematen zaion tratu bera emango zaio.
• Sexu- bizitzaren aurrean jarrera logiko eta naturala izateak garrantzi handia du.
• Badaude bakarrik bizitzeko arazorik ez dutenak eta bestetik laguntza behar dutenak. 
• Irtenbiderik egokienak, apartamendu txikiak edo aterpetxeak izando dira.
• Egoera berdinetan bizi behar dute.

ESKOLA MOTAK (2.astea)

Astelehenean, hiru eskola mota landu genituen, eskola selektiboa, integratzailea eta inklusiboa. Hiru eskola hauen ezaugarriak hobeto ulertzeko, ariketa praktiko bat egin genuen. Taldeka jarri ginen eta talde bakoitzari eskola bat tokatu zitzaion. Taldeka, egoera bat azaldu behar genuen eskola haien ezaugarriak kontuan hartuta. 

Azkenean, denen artean haien desberdintasunak komentatu genituen, hasieran ez zitzaidan oso argi geratu eskola selektiboa eta integratzailearen arteko desberdintasuna, baina klasean jarritako adibideak entzun eta gero uste dut ulertu ditudala. Ezaugarriak ondo desberdintzeko eskema bat egitea pentsatu nuen.

FOR THE BIRDS / UNO MÁS, UNO MENOS ( 1.astea)

FOR THE BIRDS    

Lehenengo astean bi bideo ikusi genituen. Lehena Pixar sortutako bideo bat izan zen. Bideo honetan, txori talde bat agertzen da klabe baten gainean jarrita. Txoriak borrokatzen hasten dira denontzat lekua ez dagoelako, momentu hartan txori berri bat agertzen da desberdina dena eta ahalegintzen da leku bat bilatzen kable horretan, baina ez diote kasurik egiten eta baztertu egiten dute. Leku bat lortzen duenean besteek berataz barre egiten dute, baina horietako txori bat konturatzen da, etorri berri den txoria kabletik kentzen bada guztiek arazoak izango dituztela, eta azkenean hori gertatzen da.
Nire ustez, bideo honetan gaur egungo gizartea nolako den adierazten da, gehienetan pertsona desberdin bat ikusten dugunean, aurreiritziengatik modu batean edo bestean epaitu egiten dugu ezagutu barik eta automatikoki baztertzen dugu. Ez gara konturatzen berak dituen desberdintasun horiek guretzako baliagarriak eta aberatsak izan ahal direla eta hoietatik gauza berriak ikasi ahal ditugula, niretzako hau izango litzateke bideo honek transmititu nahi digun mezu nagusia.

UNO MÁS, UNO MENOS

Bideo honetan, protagonista nagusia down sindromea duen neska bat da, Lourdes izenekoa. Beste emakume batek elkarrizketatu egiten du bere bizitzari buruz hitz egiteko. Hasieran, emakumeak ez dio kasurik egiten baina denborarekin konturatzen da, Lourdesek argi dituela bere bizitzan lortu nahi dituen helburuak eta berak aldiz ez. Bideo honek transmititu nahi diguna da, ezintasun batzuk izatea ez duela esan nahi beste pertsonen moduko ez zarela. Guztiz kontrakoa, Lourdesek argi usten du ametsak , sentimenduak, pentsamenduak, bizitzeko gogoa dituela eta besteen moduan tratatu behar dugula, pertsona normala delako.

Zer da Eskola Inklusiboa?

Eskola inklusiboa, guztiontzat zuzendutako eskola da, non helburu nagusia ikasleei kalitatezko hezkuntza bat ematea da. Ikasle guztiak beharrrezkoak dira, hauen ezaugarriak edo desberdintasunak irakaskuntza prozesua aberasten duelako, horrela guztiek besteengandik gauza berriak ikasi ahal dituzte. 

Eredu inklusiboan, eskolak ikasleen beharrei erantzuten die  desberdinak direla jabetuz eta alde batera utziz haien arraza, sexua, gizarte egoera eta haien kultura. Eskola honen helburu nagusia ikasleak dibertsitatean hezitzea izango litzateke diskriminaziotik kanpo. Horretarako, ikastetxeak prest egon behar dira ikasle guztiak onartzeko bakoitzaren ezaugarri pertsonal , psikologiko, kulturalak... kontuan arturik.

HAUSNARKETA

Hausnarketa honi hasiera emateko, niretzat talde lana zer den azalduko dut. Niretzako talde lana ez da gai baten inguruan taldeka jardutea soilik, talde horretako pertsonekin harreman ona izatea, elkarren artean laguntzea, guztiek ideiak proposatzea edo bakoitzak dituen ezagutzak transmititzea izango litzateke. Talde lanari dagokionez, esperientzia desberdinak izan ditut, onak eta txarrak, hala ere, gaur egun dudan taldearekin oso gustura sentitzen naiz. 

Talde lanetan, gehienetan zailtasunak egoten dira akordio batera heltzen ez zarean iritzi desberdinak daudelako, kasu honetan hobe da bi iritzi horiek modu objektibo batetik aztertzea, eta taldearentzako hoberena dena hautatzea, nahiz eta zuk emandako iritzia ez izan hautatutakoa. 

Planifikazioa, talde lanaren atal garrantzitsu bat da, talde lanean aurrera egiteko erabiltzen den metodologia baita. Horretarako lehendabizi, lanaren xede nagusiak zeintzuk diren azpimarratu behar dira, helburuak zeintzuk diren eta helburu horiek lortzeko erabiliko diren estrategiak hautatu. Lan egiten dugunean, antzerakoa egiten dugu, zer lortu nahi dugun zehaztu eta gero, gaiarekin loturiko informazio bilatzen dugu, eta lan horretan emaitza ona ateratzeko erabili behar dugun estrategia hautatzen dugu. 

Talde lanean aritzen naizenean, nire buruari besteei eskatutakoa eskatzen diot, besteekiko ulermena, errespetua, guztien arteko koordinazioa eta elkarren arteko laguntza. Horrela, zure iritzia adierazterakoan, eroso sentitzen zara eta erraztasun gehiagorekin zure ikuspuntua edo sentimenduak azalerazten dituzu. 

Ikastea, pertsona bakoitzak dituen ezagutzak handitzea izango litzateke, edo ezagutza berriak barneratzea. Ikasteko modu desberdinak daudela argi dago, baina niri gehien gustatzen zaidana praktiken bitartez egiten direnak dira, nire ustetan gehiago ikasten duzulako teoria praktikara eramaten duzunean, saio batean teoria bakarrik ematerakoan baino. Horrez gain, desberdintasun asko dago lana bakarrik edo taldean egiterako orduan, bakarka egiten duzunean, zure eskuetan daude erabaki guztiak, nola antolatuko zaren edo zer egingo duzun. Taldean aldiz, guztien artean erabaki batera heldu behar zarete eta pertsona gehiago zaudetenez, guztien ikuspuntua, ezagutzak eta ideiak entzuteko aukera duzu eta horietatik gauza berriak ikasi. 

Azterketak eta ebaluazioak direnean, orokorrean guztiek urduri sentitzen garela uste dut. Lehen, azterketetan lau hilabete osoan ikasitako frogatu behar zenuen, orduan presio asko geneukan, gaur egun nahiz eta azterketa notaren zati bat izan, lasaitasun gehiago daukazu, klasean landutako materiala, lan entregableak edo moduluko lana kontuan hartzen dituztelako. Azterketak edo ebaluazioetarako estrategia desberdinak erabiltzen ditugu, hala ere, orokorrean estrategia bat erabiltzen dugu. Irakasleak klasean emandako teoria irakurri ostean, gehienetan taldean elkartzen gara eta denen arten zalantzak edo argi ditugun kontzeptuak komentatzen ditugu, norbait gauza zehatz bat ulertzen ez badu denen artean modu erraz batean azaltzen diogu. Estrategia hau oso eraginkorra dela uste dut, pertsona bakoitzak gauzak azaltzerako orduan modu desberdinean egiten duelako, orduan azalpenak konparatu ditzakezu eta zuretzako errazagoa dena barneratu. 

Azkenik, aurkezpenak ez zaizkidala gustatzen esan behar dut, oso urduri jartzen naizelako eta jende aurrean hitz egitea gustuko ez dudalako. Hala ere, gure etorkizunerako oso baliagarria dela uste dut, jendearen aurrean zure ideiak edo ezagutzak transmititzen jakitea.

ONGI ETORRI!

Janis Martinez naiz, Haur Hezkuntzako ikaslea eta urte honetan bigarren mailan aritzen naiz. Sortu dudan blog honetan Eskola Inklusiboaren oinarriak ikasgaiarekin lotutako ekarpenak egingo ditut. Espero dut zuentzako interesgarria izatea. ONGI ETORRI!